الملتقى الثقافي العربي

الملتقى الثقافي العربي (http://www.ektrab.com/vb/index.php)
-   الشِّعْرُ الشَّعْبِيُّ . الْعَامِّي (http://www.ektrab.com/vb/forumdisplay.php?f=99)
-   -   بلحاوي (http://www.ektrab.com/vb/showthread.php?t=17057)

الأمين عمر 03-20-2018 09:11 AM

بلحاوي
 
حواليّا اتلفِّت واحسب
إني خليفة الهجّان
والكلّ عليّا بيعتب
وما أسألشي فخوّان
تعبان من كُتر ما بكدِب
واعمل للعار نيشان
بلحاوي صحيح وانا بكتِب
بسّ انا برضك إنسان
أيوه انا برضك إنسان

وبحن ساعات لفضيلتي...وصراحتي تزنّ وجاهتي
أصلُه اتعوِّد بسلامتي...عزّ جنينة الطرزان

موز على جزرات على بندق
وضيافة فأحسن فندق
وعالنّمرة بتاعتك حندق
وفي السّيرك اطلع فنان

وينقّطوا وابقى المعني...يتّريقوا طب ايه يعني
هوّا العقل حينفعني...لو افكّر بالمجّان
ومن نفسي أصوغ ابداعي
مثقّف آه ورُتبتي ساعي
قلِّبتي يا بطن اوجاعي
جه الغاز ولا جتش تيران

ايه يا ناس ده اللي بيحصل لي...تعميم ولا حدِّش
يقول لي
لو ده التواليت في محلِّي...مُمكن كان بقى زعلان
أمّا أشوف فيه إيه جوّه
ميّة وحاجات وهُوّه
آه يانا دماغي اتسوّى
فين الشطّ يا إخوان

شيء فيّا غرق ولّا احلم...وجمبري اهو ورح مستقطم
بحر جميل زعّق وشمشم...هُوّا وإيه بالألوان


New Page 1

Twitter

Facebook

Rss

Powered by vBulletin® Version 3.8.7, Copyright ©2000 - 2018, Jelsoft Enterprises Ltd. TranZ By Almuhajir
الآرَاءُ وَالَمَوَاضِيعُ الْمَنْشُورَة عَلَى صَفَحَاتِ الْمُلْتَقَى لاَتُعَبِّرْ بِالضَرُورَةِ عَنْ رَأيِّ الْمُلْتَقَى